کوئٹہ: محکمہ پولیس بلوچستان کے مختلف اداروں میں کروڑ وں کی بے ضابطگیوں کا انکشاف ہوا ہے۔
ذرائع محکمہ خزانہ کے مطابق محکمہ پولیس بلوچستان میں 95 کروڑ روپے کی مالی بے قاعدگیوں کا انکشاف آڈیٹر جنرل کی آڈٹ رپورٹ میں کیا گیا ہے۔
ذرائع کا کہنا ہے کہ آڈٹ رپورٹ میں مجموعی طور پر42کروڑ روپےکی بے قاعدگیوں، گھپلوں کی نشاندہی کی گئی جبکہ بغیر اوپن ٹینڈر پولیس میں 24کروڑ 19 لاکھ روپے کے اخراجات کئے گئے۔
محکمہ خزانہ کے ذرائع کا کہنا ہے کہ سیکیورٹی کی مد میں 35کروڑ روپے کی وصولی نہیں کی گئی جبکہ ٹیکسز، ڈیوٹیز کی مد میں کٹوتی نہ کر کے 17 کروڑ 28 لاکھ روپے کا نقصان پہنچایا گیا۔
