کوئٹہ: صوبہ بلوچستان میں موسم خشک اور سرد رہنے کا امکان ہے، قلات میں درجہ حرارت منفی 3 ڈگری سینٹی گریڈ اور زیارت میں منفی 2 ڈگری سینٹی گریڈ ریکارڈ کیا گیا۔

تفصیلات کے مطابق محکمہ موسمیات کا کہنا ہے کہ صوبہ بلوچستان کے بیشتر اضلاع میں موسم خشک رہنے کا امکان ہے۔

محکمہ موسمیات کا کہنا ہے کہ شہر قلات منفی 3 ڈگری سینٹی گریڈ کے ساتھ صوبے کا سرد ترین علاقہ ریکارڈ کیا گیا ہے۔

صوبائی دارالحکومت کوئٹہ میں صبح کے اوقات میں کم سے کم درجہ حرارت 1 ڈگری سینٹی گریڈ ریکارڈ کیا گیا جبکہ زیارت میں درجہ حرارت منفی 2 ڈگری سینٹی گریڈ ریکارڈ کیا گیا۔

محکمہ موسمیات کا کہنا ہے کہ گوادر میں درجہ حرارت 13 جبکہ جیونی میں 14 ڈگری سینٹی گریڈ ریکارڈ کیا گیا۔