موسم سرما میں مچھلی کا استعمال زیادہ ہوجاتا ہے جسے مختلف طریقوں سے پکایا جاسکتا ہے، آج آپ کو ناریل کے دودھ اور تیکھے مصالحوں میں بنی مچھلی کی منفرد ڈش کے بارے میں بتایا جارہا ہے۔
اس ڈش کا نام بلتی فش ہے جسے چاول یا چپاتی کے ساتھ کھایا جاسکتا ہے۔
اجزا
مچھلی کے ٹکڑے: 500 گرام
کوکونٹ ملک: 2 کپ
پیاز کٹی ہوئی: 1 عدد
لہسن ادرک کا پیسٹ: 1 چائے کا چمچ
نمک: حسب ذائقہ
لال مرچ: آدھا چائے کا چمچ
کالی مرچ پسی ہوئی: آدھا چائے کا چمچ
سفید مرچ پسی ہوئی: آدھا چائے کا چمچ
تھائی لال مرچ کٹی ہوئی: 2 عدد
لال مرچ پسی ہوئ: 1 چائے کا چمچ
کالی مرچ: 1 چائے کا چمچ
لیموں کا رس: 1 کھانے کا چمچ
دھنیہ: سجاوٹ کے لیے
ترکیب
سب سے پہلے ایک برتن میں تیل گرم کریں اور اس میں پیاز ڈال کر سنہری ہونے تک بھونیں۔
اب اس میں مچھلی کے ٹکڑے ڈالیں اور مکس کریں۔
ادرک لہسن کا پیسٹ شامل کریں۔
اب اس میں کٹی ہوئی لال مرچ، نمک، پسی ہوئی کالی مرچ، پسی ہوئی سفید مرچ اور تھائی لال مرچ ڈال کر اچھی طرح مکس کریں۔
کوکونٹ ملک ڈالیں اور اچھی طرح مکس کریں۔
آخر میں پسی ہوئی لال مرچ اور پسی ہوئی کالی مرچ ڈال کر اچھی طرح مکس کریں اور ڈھکن ڈھانپ کر 8 سے 10 منٹ تک دم دیں۔
ایک لیموں کاٹ کر اس پر نچوڑیں اور تازہ کٹا ہوا ہرا دھنیہ چھڑکیں۔
مزیدار بلتی فش تیار ہے۔