کوروناوائرس کے خطرات کے باعث زمینی راستوں سے افغانستان اور ایران سے پاکستان آنے پر عارضی پابندی عائد کر دی گئی۔
پابندی سے متعلق باقاعدہ نوٹیفیکیشن جاری کر کے ایران اور افغانستان کو آگاہ کر دیا گیا۔ ایرانی اور افغانی باشندوں پر پابندی 5 سے 20 مئی تک برقرار رہےگی۔
نوٹیفکیشن کے مطابق 5 مئی شام 6 بجے کے بعد افغانستان اور ایران کےمسافروں پرپابندی عائد ہوگی البتہ مسافروں کے پاکستان سے ایران اور افغانستان جانے پر کوئی پابندی نہیں ہو گی۔
اہم فیصلے، 8 سے 16 مئی تمام تجارتی و سیاحتی سرگرمیاں بند
نوٹیفکیشن میں کہا گیا ہے کہ ایران اور افغانستان میں موجودپاکستانی شہری واپس آسکیں گے، افغان شہریوں کوانتہائی ضروری طبی امدادکیلئےپاکستان آنےکی اجازت ہوگی۔
افغانستان اور ایران سے آنے والوں کےکورونا ٹیسٹ کیلئے بارڈر پر طبی عملہ ڈبل کیا جائے گا۔ پابندی افغان ٹرانزٹ ٹریڈ یا کارگو، تجارتی سامان کی گاڑیوں پرنہیں ہوگی۔
