کویت سٹی: کویت نے انسانیت اور مذہبی لبادے کی آڑ میں چندہ جمع کرنے والوں کے خلاف اہم فیصلہ کیا ہے۔
بین الاقوامی میڈیا رپورٹ کے مطابق کویت کی وزارت برائے سماجی امور نے اپنے بیان میں کہا کہ ہمارے علم میں یہ بات آئی ہے کہ کویت کے علاقوں حولی اور فراوانیہ کچھ ایسے افراد جو خیراتی سوسائیٹز اور مقامی فاؤنڈیشن سے وابستہ نہیں ہے، وہ چندا جمع کررہے ہیں۔
حکام کے مطابق چندہ جمع کرنے والے افراد انٹر نیٹ یا بیرونی نمبرز کے زریعے مقامی نمبرز پر کال کرتے ہیں ، تاکہ جانچ کے عمل کو مشکل بنایا جائے اور کوئی ثبوت حاصل نہ ہوں۔
یہ بھی پڑھیں: کویت میں داخلے پر پابندی اور قرنطینہ کے حوالے سے بڑی خبر
وزارت برائے سماجی امور کی جانب سے جاری بیان میں کہا کیا ہے کہ اسلامی کمپنیوں اور سوسائٹوں کی جانب سے انسانیت یا مذہبی لبادے کی آڑ میں فنڈز جمع کرنے والوں کو متبنہ کیا جاتا ہے کہ اس طرح کے عمل کی ملکت میں سختی سے ممانعت ہے، ان افراد کی تلاش جاری ہے، جلد ہی ان کی شناخت کرلی جائے گی، ایسے افراد کے خلاف سخت کارروائی عمل میں لائی جائے گی اور انہیں قانونی کارروائی کا بھی سامنا کرنا پڑے گا۔
