The news is by your side.

پی ٹی آئی پر پابندی؟ قانونی ٹیم کا حکومت کو محتاط رہنے کا مشورہ

اسلام آباد: الیکشن کمیشن کے فیصلے کے بعد حکومت کی جانب سے پی ٹی آئی پر پابندی سے متعلق مختلف امور زیر بحث ہیں تاہم اب قانونی ٹیم نے خبردار کردیا ہے۔

ذرائع کے مطابق قانونی ٹیم نے حکومت کو پی ٹی آئی کے خلاف کسی بڑا اقدام کرنے سے گریز کرنے اور محتاط رہنے کا مشورہ دیا ہے۔

ذرائع قانونی ٹیم کا کہنا ہے کہ آرٹیکل باسٹھ ، تریسٹھ کے تحت عمران خان کیخلاف کارروائی نہیں کرنی چاہیے کیونکہ چیئرمین پی ٹی آئی کے ڈکلیئریشن پر کوئی عام شہری عدالت سےرجوع کرسکتا ہے۔

حکومتی ذرائع کا کہنا ہے کہ پی ٹی آئی پر پابندی کےمعاملے پراحتیاط اوردرگزر کریں توہمارا ہاتھ اوپرہوگا اگر تحریک انصاف پر پابندی لگ بھی گئی تو وہ کسی اورنام سے رجسٹرڈ ہوجائیں گے۔

یہ بھی پڑھیں: ’محرم کے بعد کیا ہونے جارہا ہے؟ فواد چوہدری کا اہم اعلان

ذرائع نے مزید کہا کہ قانونی ماہرین کےمشورے پرہی کابینہ ارکان کوسوچ سمجھ کر رائےدینےکا کہا گیا، وزرا کو فیصلے کی کاپیاں، سمری کےپوائنٹس دے کرکہا گیا کہ آئندہ اجلاس میں رائےدیں۔

قانونی ماہرین کا موقف ہے کہ جلد بازی نہیں کرنی چاہیے، حکومتی فیصلے کے بعد پندرہ روزمیں عدالت جانا ہوگا جبکہ اسلام آوفاقی کابینہ کی رائے آنےپر ہی حتمی فیصلہ کیاجائے گا۔

Comments

یہ بھی پڑھیں