کراچی : سندھ ہائی کورٹ نے سگریٹ کے متبادل کے طور پر نیکوٹین پیچیز کے استعمال پرپابندی سےمتعلق درخواست پر فیصلہ محفوظ کرلیا۔
تفصیلات کے مطابق سندھ ہائی کورٹ میں سگریٹ کے متبادل کے طور پر نیکوٹین پیچیز کے استعمال پرپابندی سےمتعلق درخواست پر سماعت ہوئی۔
درخواست گزار کے وکیل نے بتایا کہ نکوٹین پیچیز پر یورپ، امریکا سمیت دیگر ترقی یافتہ ممالک میں پابندی ہے، پاکستان میں نکوٹین پیچیز بلا کسی خوف کے تیار کیے جارہے ہیں۔
وکیل کا کہنا تھا کہ گٹکے اور ماوے پر پابندی ہے مگر نکوٹین پیچیز اس سے زیادہ خطرناک ہیں، درخواست پر ابتدائی دلائل مکمل ہونے پر عدالت نے فیصلہ محفوظ کرلیا۔
عدالت نے فریقین کے وکلا کے دلائل سننے کے بعد فیصلہ محفوظ کیا۔
