site
stats
عالمی خبریں

دبئی: ہیلتھ انشورنس کے بغیر ویزا دینے پر پابندی

دبئی: حکام نے ہیلتھ انشورنس کے بغیر ویزا دینے اور اس کی توسیع پر پابندی عائد کردی، حکام نے کہا ہے کہ ویزا کے ساتھ ہیلتھ انشورنس سرٹیفکیٹ پیش کرنا لازمی ہوگا۔

خلیج ٹائمز کے مطابق دبئی کی حکومت نے ویزا حاصل کرنے کے خواہش مند افراد کو خبردار کیا ہے کہ وہ ویزا سے قبل ہیلتھ انشورنس کا عمل مکمل کرائیں بصورت دیگر انہیں ویزا جاری نہیں کیا جائےگا۔

فیصلے پر یکم جنوری سے عمل درآمد شروع کردیا گیا ہے، قبل ازیں حکام نے ہیلتھ انشورنس کرانے کے لیے وہاں مقیم افراد اور ویزا کے خواہش مند افراد کے لیے 31 دسمبر 2016ء تک کی تاریخ مقرر کی تھی جو ختم ہوگئی۔

دبئی ہیلتھ اتھارٹی (ڈی ایچ اے) میں ہیلتھ فنڈنگ کے ڈائریکٹر ڈاکٹر حیدر الیوسف نے خلیج ٹائمز کو بتایا کہ دبئی میں رہائش پذیر کسی بھی شخص کو ہیلتھ انشورنس کے بغیر نہ ویزا ملے اور نہ اس کی مدت میں اضافہ کیا جائےگا۔

ان کا کہنا تھا کہ نئے افراد ویزا کے لیے اور پہلے سے مقیم باشندے ویزا میں توسیع کے لیے درخواست کے ساتھ ہیلتھ انشورنس کا سرٹیفکیٹ لازمی پیش کریں ورنہ انہیں ناکامی کا سامنا ہوگا۔

حکام کے مطابق ہیلتھ انشورنس کے لیے کسی بھی مستند میڈیکل کمپنی سے رجوع کیا جاسکتا ہے جو انہیں سرٹیفکیٹ جاری کردے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top