کراچی انتظامیہ کی جانب سے شہریوں کو ساحلی پٹی پر جانے سے روکنے کے لیے پابندی عائد کر دی گئی۔
کمشنر کراچی نے دفعہ 144 کا نفاذ کرتے ہوئے 8 دن کے لیے پابندی عائد کردی جس کا نوٹیفکیشن جاری کر دیا گیا ہے۔ پابندی کا اطلاق کل سے تیرہ جون تک ہوگا
پابندی کینپ بیچ ، سنہرا بیچ ، مبارک بیچ ، ٹرٹل بیچ اور دعا چوک بیچ پر لگائی گئی ہے۔ شہریوں کو ان جگہوں پر جانے ، نہانے یا دیگر تفریحی سرگرمیوں پر مکمل پابندی ہوگی۔
پابندی میونسپل کمشنر کی درخواست پر لگائی گئی ہے۔
موسم کی خرابی اور اونچی لہروں کے باعث کسی بھی جانی نقصان سے بچنے کے لیے پابندی لگانے کی درخواست کی گئی تھی۔ دفعہ 144 کی خلاف ورزی پر متعلقہ افسران کو کارروائی کے اختیارات بھی تفویض کر دئیے گئے ہیں۔
