بھارت میں ڈاکٹر آپریشن کے دوران حاملہ خاتون کے پیٹ میں بینڈچ بھول گئے۔
بھارتی میڈیا رپورٹ کے مطابق ریاست تلنگانہ کے ضلع ہنمکنڈہ کے کملاپور کے سرکاری اسپتال میں آپریشن کے دوران ڈاکٹرز کی لاپرواہی کا واقعہ سامنے آیا ہے۔
ڈاکٹر آپریشن کے دوران حاملہ خاتون کے پیٹ میں پٹی بھول گئے اور ٹانکے لگادیے۔
خاتون کو چند روز بعد شدید طبی مسائل کا سامنا ہوا اور دوبارہ اسپتال پہنچیں جب معائنہ کیا تو پیٹ میں بینڈچ موجود ہونے کا انکشاف ہوا۔
نرس نے جب اسپتال کی ڈاکٹر سے فون پر رابطہ کیا تو انہوں نے فون پر ہی ہدایات دیں کہ بینڈچ کیسے نکالی جائے، جب نرس نے بینڈچ نکالنے کی کوشش کی تو آپریشن کے دوران لگائے گئے ٹانکے کھل گئے جس سے خاتون شدید تکلیف میں بتلا ہوئیں۔
فی الحال متاثرہ خاتون کی حالت مستحکم بتائی جا رہی ہے تاہم ڈاکٹروں کی اس سنگین غفلت پر متاثرہ خاتون کے رشتہ داروں نے شدید برہمی کا اظہار کیا اور اسپتال کے باہر احتجاج کیا۔
