ڈھاکا: بنگلادیش میں لاک ڈاؤن کے باعث سہ فریقی بلائنڈ کرکٹ سیریز کا شیڈول تبدیل کردیا گیا۔
نمائندہ اے آر وائی نیوز کے مطابق بنگلا دیش کی حکومت نے کرونا کے بڑھتے ہوئے کیسز کے پیش نظر ایک ہفتے کے لیے لاک ڈاؤن نافذ کیا، جس کے باعث سیریز کا شیڈول تبدیل کیا گیا۔
بنگلا دیش بلائنڈ کرکٹ کونسل کی جانب سے جاری اعلامیے کے مطابق ڈبل لیگ کی بنیاد پر کھیلاجانے والے ٹورنامنٹ کو سنگل لیگ پر کردیا گیا۔ اعلامیے کے مطابق 4 اپریل کو ہی لیگ کے باقی دو میچز جبکہ ایک فائنل میچ کھیلا جائے گا۔
مزید پڑھیں: پاکستان کے ہاتھوں بھارت کو 58 رنز سے شکست
واضح رہے کہ قومی بلائنڈ کرکٹ ٹیم بھارت سے میچ جیت چکی ہے جبکہ کل بنگلا دیش سےمد مقابل ہوگی اور بھارت بھی میزبان ٹیم کے ساتھ کل ہی میچ کھیلے گا۔ اعلامیے کے مطابق سیریز کا فائنل کل ہی کھیل لیا جائے گا۔
واضح رہے کہ بلائنڈ کرکٹ ٹورنامنٹ 3 سے 8 اپریل تک ڈھاکا میں شیڈول تھا۔
