بنگلادیش میں سیاسی بحران میں مزید شدت آتی جارہی ہے، ایسے میں محمد یونس نے عبوری سربراہ کے عہدے سے مستعفی ہونے کی دھمکی دے دی ہے۔
بین الاقوامی خبر رساں ادارے کی رپورٹ کے مطابق عبوری سربراہ محمد یونس نے اپنی کابینہ سے کہا ہے کہ اگر سیاسی جماعتوں نے انہیں اپنی مکمل حمایت نہ دی تو وہ استعفیٰ دیدیں گے جبکہ ان کی کابینہ کے ارکان نے انہیں ایسا نہ کرنے پر آمادہ کیا۔
نیشنل سٹیزن پارٹی کے مطابق محمد یونس کو سیاسی بحران سے نمٹنے کے لیے ایک آل پارٹی میٹنگ بلانے کا مشورہ بھی دیا گیا ہے۔
عبوری حکومت کے سربراہ محمد یونس کی جانب سے استعفیٰ دینے کی مبینہ دھمکی ڈھاکا میں نیشنلسٹ پارٹی کے ہزاروں حامیوں کی پہلی بار عبوری حکومت کے خلاف بڑے پیمانے پر احتجاجی ریلی نکالنے کے بعد سامنے آئی۔
دوسری جانب سفارتی کشیدگی کے باعث بنگلہ دیش نے بھارتی کمپنی کے ساتھ کروڑوں روپے کا ایک معاہدہ منسوخ کر دیا ہے۔
دونوں ملکوں کے درمیان سفارتی کشیدگی کے دوران بنگلہ دیش نے بھارتی کمپنی کے ساتھ کروڑوں روپے کا ایک معاہدہ منسوخ کر دیا ہے جبکہ چند روز قبل ہی بھارت نے بنگلہ دیش کی بعض مصنوعات کی درآمدات پر پابندی عائد کر دی تھی۔
بھارتی شہر کولکتہ میں قائم سمندری جہاز تعمیر کرنے والی کمپنی کا کہنا ہے کہ بنگلہ دیش نے شپ تعمیر کرنے کے 21 ملین ڈالر کے بڑے دفاعی معاہدے کو منسوخ کر دیا۔
منسوخ شدہ معاہدے میں بنگلہ دیش کے لیے ایک جدید سمندری ٹگ (چھوٹے جہاز) کی تعمیر شامل تھی، جو کھلے سمندروں میں لمبی دوری تک تجارتی بحری جہازوں کو کھینچنے اور بچاؤ کے کاموں کے لیے ایک خصوصی سمندی کشتی ہے۔
رپورٹ کے مطابق یہ کمپنی بھارتی وزارت دفاع کے تحت کام کرتی ہے، چند روز پہلے بھارت نے بنگلہ دیش کی بعض مصنوعات کی درآمدات پر پابندی عائد کر دی تھی۔
خالدہ ضیاء بنگلادیش واپس پہنچ گئیں، بڑا مطالبہ کردیا
جبکہ حال ہی میں بھارت نے بنگلہ دیشی کارگو کی تیسرے ممالک کو برآمدات کے لیے ٹرانس شپمنٹ کی سہولیات کو منسوخ کر دیا تھا اور ڈھاکہ کی اس کارروائی کو بھارت کے حالیہ فیصلے پر جوابی کارروائی کہا جا رہا ہے۔
