بنگلہ دیش کے خلاف دو میچوں کی ٹیسٹ سیریز سے قبل قومی ٹیم کو دھچکا لگ گیا۔
کرکٹ ویب سائٹ کی رپورٹ کے مطابق بنگلہ دیش کے خلاف ٹیسٹ سیریز میں قومی ٹیم کے فاسٹ بولر حسن علی کی شرکت مشکوک ہوگئی ہے۔
فاسٹ بولر حسن علی کہنی کی انجری سے نجات نہ پاسکے ہیں۔
واضح رہے کہ حسن علی کہنی کی تکلیف کے باعث کاؤنٹی کرکٹ میں بھی مکمل میچز نہیں کھیل سکے۔
فاسٹ بولر کا وارکشائر کاؤنٹی سے معاہدہ تھا اب وہ کہنی کی انجری کا مکمل علاج کروائیں گے اسی وجہ سے ان کی بنگلہ دیش کیخلاف سیریز میں شرکت مشکل ہے۔
یاد رہے کہ بنگلہ دیش کے خلاف سیریز کے لیے پاکستانی ٹیم کا ٹریننگ کیمپ اگست کے دوسرے ہفتے میں لگایا جائے گا جبکہ پاکستان اور بنگلا دیش کی ٹیموں کے درمیان پہلا ٹیسٹ 21 اگست سے راولپنڈی میں شروع ہو گا۔
پاکستان کے ٹیسٹ اسکواڈ پر حتمی مشاورت آئندہ ہفتے ہو گی۔ ریڈ بال ہیڈ کوچ جیسن گلیسپی کی پاکستان واپسی پر ٹیسٹ اسکواڈ کو فائنل کیا جائے گا۔
محمد ہریرہ اور صاحبزادہ فرحان کو ٹیسٹ اسکواڈ میں شامل کیے جانے کا امکان ہے۔
