بنگلہ دیش کرکٹ ٹیم کے سابق کپتان تمیم اقبال کو دوران میچ دل کی تکلیف ہوئی جس کے بعد انہیں فوری طور پر اسپتال منتقل کر دیا گیا۔
بنگلہ دیشی میڈیا کے مطابق ڈھاکا پریمیئر لیگ میچ کے دوران سابق بنگلہ دیشی کپتان تمیم اقبال کو سینے میں دل کی جانب تکلیف محسوس ہوئی جس کے بعد انہیں ہنگامی بنیاد پر اسپتال منتقل کر دیا گیا۔
رپورٹ کے مطابق تمیم اقبال کو اسپتال لے جانے کے لیے ہیلی کاپٹر کا انتظام کیا گیا۔ تاہم ہیلی کاپٹر کی اڑان کے مسئلے کی وجہ سے انہیں قریبی اسپتال پہنچایا گیا۔
تمیم اقبال کی طبعیت ٹاس کے فوری بعد فیلڈنگ کے دوران خراب ہوئی۔ بنگلہ دیشی میڈیا کے مطابق ان کی طبیعت انتہائی ناساز ہے۔
واضح رہے کہ تمیم اقبال نے بنگلا دیش کے لیے 70 ٹیسٹ، 243 ون ڈے اور 78 ٹی ٹوئنٹی انٹرنیشنل کھیل رکھے ہیں۔
