بھارت کی جانب سے بنگلا دیش کیخلاف پروپیگنڈا کا مقابلہ کرنے کے لیے سیاسی جماعتیں متحد ہو گئیں۔
بین الاقوامی میڈیا رپورٹس کے مطابق بنگلادیش کے عبوری وزیراعظم محمد یونس سے ملک کی تمام سیاسی جماعتوں نے ملاقات کی جس میں جماعتوں نے قومی اتحاد پر حکومت کا بھرپور ساتھ دینے کا اعلان کر دیا۔
بنگلا دیشی سیاسی جماعتوں کیساتھ میٹنگ بھارت کی جانب سے پروپیگنڈے پر بلائی گئی تھی۔
- Advertisement -
بھارت میں بنگلا دیشی اسسٹنٹ ہائی کمیشن پر حملہ اور پروپیگنڈا میٹنگ میں زیرِبحث رہا۔ سیاسی جماعتوں نے وزیراعظم کو بھارت کیساتھ تعلقات پر نظرثانی کا مشورہ دیا۔
کچھ جماعتوں نے بھارتی پروپیگنڈے سے نمٹنے کیلئے عوامی رابطہ سیل قائم کرنے کی تجویز دی۔ اجلاس میں بھارت کی جانب سے بنگلا دیش کیخلاف مسلسل پروپیگنڈے کی مذمت بھی کی گئی۔
