ڈھاکہ: بنگال ٹائیگرز نے تاریخی کامیابی حاصل کرلی، ہوم گراؤنڈ پر پہلی مرتبہ نیوزی لینڈ کو ٹیسٹ میچ میں شکست دے دی۔
سلہٹ میں ہفتے کے روز افتتاحی ٹیسٹ میچ مین بنگلا دیش کے اسپنر تیج الاسلام نے نیوزی لینڈ کے خلاف 10 وکٹیں لیں، بنگال ٹائیگرز نے سیریز کے پہلے میچ میں 150 رنز سے کامیابی حاصل کی۔
بنگلا دیش کے خلاف 332 رنز کے تعاقب میں کیویز 181 رنز پر ڈھیر ہوگئی، اسپنر تیج الاسلام نے تباہ کن بولنگ کرتے ہوئے میچ میں 10 وکٹیں حاصل کرکے بہترین کھلاڑی قرار پائے۔
یہ بنگلہ دیشی ٹیم کے لیے ایک یادگار جیت تھی کیوں کہ ٹائیگرز کے کئی اہم کھلاڑیوں کے زخمی ہیں جس میں کپتان شکیب الحسن بھی شامل ہیں۔
میچ کے بعد بنگلہ دیش کے کپتان نجم الحسین شنٹو نے نیوزی لینڈ کے خلاف ہوم سرزمین پر پہلی ٹیسٹ میچ جیتنے کے بعد کہا کہ کھیل کے دوران ہم نتائج کا نہیں سوچتے بس ایک اچھا کھیلنے کی کوشش کرتے ہیں، ابھی بہت سفر طے کرنا ہے۔
نیوزی لینڈ کے کپتان ساؤتھی نے کہا کہ بہت مایوسی ہوئی، لیکن جیت کا کریڈٹ بنگلہ دیش کو جاتا ہے، وہ بہت اچھا کھیلتے ہیں۔
واضح رہئ کہ دو میچز کی سیریز میں میزبان ٹیم بنگلا دیش کو ایک صفر کی برتری حاصل ہے، فائنل ٹیسٹ بدھ سے میرپور میں شروع ہوگا۔
