پاکپتن/بہاول نگر: بینک اکاؤنٹس ہیکرز نے دو مزید شہریوں کے اکاؤنٹس کا صفایا کر دیا، پاکپتن اور بہاول نگر کے شہریوں کے بینک اکاؤنٹس سے لاکھوں روپے نکال لیے گئے۔
تفصیلات کے مطابق بینک اکاؤنٹس ہیکرز کی کارروائیوں کو روک نہیں لگائی جا سکی، دو مزید شہریوں کے بینک اکاؤنٹس ہیکرز کا نشانہ بن گئے۔
[bs-quote quote=”نا معلوم شخص نے بینک نمائندہ بن کر فون کیا تھا” style=”style-7″ align=”left” color=”#dd3333″ author_job=”متاثرہ ٹیچر کی فریاد”][/bs-quote]
پاکپتن کےعلاقے ٹبہ شیر کوٹ کے استاد کے اکاؤنٹ سے ہیکرز نے 2 لاکھ روپے نکال لیے، عبد الغفار کا کہنا ہے کہ نا معلوم شخص نے بینک نمائندہ بن کر فون کیا تھا۔
متاثرہ ٹیچر کا کہنا تھا کہ ہیکرز نے اکاؤنٹ کی تفصیل مانگی اور اکاؤنٹ خالی کر دیا، میری پانچ سالوں کی محنت چھین لی گئی، بینک والوں کا کہنا تھا کہ ہم اس کے ذمہ دار نہیں ہیں۔
دوسری طرف بہاولنگر کے غلام نبی کے اکاؤنٹ سے ایک لاکھ 29 ہزار سے زائد روپے اڑا لیے گئے۔ متاثرہ شخص نے رقم بھائی کی شادی کے لیے بینک میں رکھی تھی۔
یہ بھی پڑھیں: جعلی کالز کے ذریعے اکاؤنٹس کا صفایا، میجر جنرل آصف غفور نے آگاہی ویڈیو شیئر کردی
خیال رہے کہ ملک بھر میں بینک اکاؤنٹ ہیکرز کی بڑھتی وارداتوں کے پیشِ نظر آئی ایس پی آر کے ڈائریکٹر جنرل میجر جنرل آصف غفور نے بھی خبردار کر دیا ہے کہ اگر کوئی شخص آپ کو کال کر کے خود کو آرمی کا نمائند بتا کر بینک اکاؤنٹ کی تفصیلات مانگے تو اُسے ہرگز فراہم نہ کریں۔
