اسلام آباد: وفاقی دارالحکومت میں نجی بینک کے منیجر کو خاتون سے نازیبا حرکت کرنے پر گرفتار کرلیا گیا۔
اے آر وائی نیوز کی رپورٹ کے مطابق اسلام آباد کے سیکٹر ایف ٹین میں واقع بینک برانچ کے منیجر کو خاتون سے نازیبا حرکت کی ویڈیو وائرل ہونے پر گرفتار کرلیا گیا۔
بینک منیجر نے ویڈیو وائرل ہونے کے بعد آئی جی اسلام آباد محمد عامر ذوالفقار خان نے نوٹس لیا تھا اور اس پر کارروائی کی ہدایت کی تھی۔
اے ایس پی شالیمار کی زیر نگرانی پولیس ٹیم نے ملزم عثمان گوہر کو گرفتار کیا، ملزم نجی بینک میں کریڈٹ ڈپارٹمنٹ میں منیجر ہے۔
ترجمان اسلام آباد پولیس نے بتایا کہ ملزم کے خلاف قانونی کارروائی کا آغاز کردیا گیا ہے۔
Usman Gohar of Faysal Bank arrested – @dcislamabad informed. He has also been issued letter of dismissal by the Bank. Appreciate quick action by ICT Admin & ICT police. pic.twitter.com/JKQZYKX6Ck
— Shireen Mazari (@ShireenMazari1) November 7, 2020
ڈپٹی کمشنر حمزہ شفقت کے مطابق ملزم اپنا موبائل فون بند کرکے چھپا ہوا تھا، تاہم گھر پر چھاپے کے دوران اسے گرفتار کرلیا گیا ہے، جب کہ ملزم کو نوکری سے بھی برخاست کردیا گیا ہے۔
واقعہ پر مذکورہ بینک کی جانب سے بھی سوشل میڈیا پر ملزم کے خلاف ایکشنن اور نوکری سے نکالے جانے کی تصدیق کی گئی۔
ملزم کے خلاف بینک ملازم کیساتھ نازیبا حرکات کی ویڈیوز سوشل میڈیا پر وائرل ہونے کے بعد کارروائی کی گئی۔ ویڈیو وائرل ہونے پر آئی جی اسلام آباد نے نوٹس لیا تھا۔
