کراچی : یکم جولائی بروز منگل کو تمام بینک بند رکھنے کا اعلان کردیا گیا، پبلک ڈیلنگ بند رہے گی۔
تفصیلات کے مطابق اسٹیٹ بینک آف پاکستان نے یکم جولائی کو تعطیل کا اعلان کردیا اور اس حوالے سے نوٹیفکییشن بھی جاری کردیا۔
اسٹیٹ بینک کی جانب سے جاری سرکلر میں کہا گیا مرکزی بینک، ذیلی دفاتر اور تمام کمرشل بینکس یکم جولائی کو بند رہیں گے۔
مرکزی بینک کے مطابق منگل کو تمام بینکوں میں پبلک ڈیلنگ بند رہے گی، تاہم بینکوں کا عملہ ڈیوٹی پر موجود ہوگا۔
ہفتہ اور اتوار کو معمول کی ہفتہ وار تعطیلات کے باعث بینکس پہلے ہی بند ہوں گے، جبکہ پیر 30 جون کو، مالی سال کے اختتام کے باوجود بینکس اور مرکزی بینک معمول کے مطابق کھلے رہیں گے۔
