کراچی: سی ٹی ڈی اینٹی ٹیررزم فائنسنگ یونٹ نے کالعدم تنظیم کے لیے فنڈز جمع کرنے والے 2 سرگرم کارندے کو گرفتار کرلیا۔
تفصیلات کے مطابق کاؤنٹر ٹیررزم ڈیپارٹمنٹ( سی ٹی ڈی) کی اینٹی ٹیررزم فائنسنگ یونٹ نے کراچی کے علاقے لاسی گوٹھ میں کارروائی کی، اس دوران کالعدم تنظیم کے دو سرگرم کارندے کو گرفتار کرلیا۔
سی ٹی ڈی حکام کا بتانا ہے کہ گرفتار ملزمان کالعدم تنظیم کے لیے فنڈز جمع کرنے میں ملوث ہیں، ملزمان کے قبضے سے جمع کی گئی چندے کی رقم اور رسیدیں برآمد ہوئی ہے۔
حکام کا بتانا ہے کہ گرفتار ملزمان میں ذاکر حسین اور ضمیر حسین شامل ہیں، دونوں ملزمان آپس میں سگے بھائی ہیں۔
تفتیش کے دوران ملزمان نے انکشاف کیا کہ وہ آٹھ سال سے کالعدم تنظیم کے لیے فنڈ جمع کررہے ہیں، حکام گرفتار ملزمان سے مزید تفتیش کررہی ہے۔
