site
stats
خیبر پختونخواہ

ملک کے مختلف علاقوں میں بارشوں اور برفباری ،موسم خوشگوار

اسلام آباد / لاہور/ پشاور/ کشمیر/ گلگت بلتستان : موسم بہار کی آمد کےساتھ ہی لاہور سمیت ملک کے مختلف علاقوں میں ہو نیوالی بارشوں سے موسم خاصا سہانا ہوگیا۔

محکمہ موسمیات نے راولپنڈی، اسلام آباد اور دیگرشہروں میں مزید بارش کی پیش گوئی کی ہے۔ملک کے مختلف شہروں میں بارش اوربرفباری سے جاتی سردی نے ایک بارپھراپنے رنگ دکھا دئیے.

لاہورمیں گرج چمک کے ساتھ موسلادھاربارش نے جل تھل کردیا۔ موسم کا حال بتانے والوں کا کہنا ہے کہ اسلام آباد،راولپنڈی،گوجرانوالہ،سرگودھا،پشاور،مردان ،مالا کنڈ،ہزارہ،کوہاٹ،ڈی آئی خان اوربنوں میں بارش کا امکان ہے.

کشمیر،فاٹا اورگلگت بلتستان میں کہیں کہیں بارش اورپہاڑوں پربرفباری ہوسکتی ہے۔ کراچی میں بدستورمطلع صاف ہے۔ کراچی میں زیادہ سے زیادہ درجہ حرارت بتیس ڈگری،لاہورمیں اٹھائیس،اسلام آباد میں بائیس ڈگری رہنے کا امکان ہے۔

گذشتہ چوبیس گھنٹے میں مالم جبہ میں تینتیس،لوئردیرمیں بائیس،پارہ چنارمیں بیس،کالام میں بارہ اورپٹن میں تیس ملی میٹربارش ریکارڈ کی گئی۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top