شام : حلب پر بیرل بم حملہ، 11 بچوں سمیت 15 شہری جاں بحق -
The news is by your side.

Advertisement

شام : حلب پر بیرل بم حملہ، 11 بچوں سمیت 15 شہری جاں بحق

حلب: شامی شہر حلب پر بیرل بم حملے میں پندرہ افراد جاں بحق ہوگئے، صدر بشارالاسد کی حامی فوج نے حلب میں بیرل بموں سے حملہ کیا۔

سیریئن آبزرویٹری فار ہیومن رائٹس کے مطابق شامی حزب اختلاف کے زیر کنٹرول شہری علاقے پر حکومتی فضائیہ کے حملے میں پندرہ شہری جاں بحق ہوگئے۔

آبزرویٹری کا کہنا ہے کہ حملے میں چار خواتین اور گیارہ بچے لقمہ اجل بنے، حملہ حلب کے علاقے باب النیرب میں کیا گیا۔

syria-1


 مزید پڑھیں :  نیویارک: اقوام متحدہ کاشامی شہرحلب میں فی الفور جنگ بندی کامطالبہ


دوسری جانب شامی باغیوں کا کہنا ہے کہ انھوں نے ترک سرحد کے قریب واقع قصبے جرابلس پرسے داعش کاقبضہ ختم کرالیاہے۔

map

واضح رہے کہ حالیہ چند دنوں کے دوران حلب میں کم از کم ایک سو تیس عام شہری ہلاک ہو چکے ہیں اور تاحال جاری لڑائی کی وجہ سے ہسپتالوں، چھوٹے شفا خانوں اور بجلی اور پانی کی فراہمی کے نظام کو شدید نقصان پہنچا ہے۔


 مزید پڑھیں : شامی شہر حلب میں باغیوں کے ٹھکانوں پرفضائی حملے


حلب کبھی شام کا کاروباری دارالحکومت تھا اور اسے اپنی فن تعمیر اور آثار قدیم پر ناز تھا لیکن پانچ سال سے جاری جنگ میں اس کی بیشتر چیزیں تباہ و برباد ہو چکی ہیں یا لوٹ لی گئی ہیں۔

Comments

comments

یہ بھی پڑھیں