لاہور : رہنما پی ٹی آئی بیرسٹر علی ظفر کا کہنا ہے کہ اگرکوئی سویلین آرمی تنصیبات پر حملہ کرے گا تو آرمی ایکٹ کے تحت کارروائی ہوسکتی ہے۔
تفصیلات کے مطابق رہنماپی ٹی آئی بیرسٹر علی ظفر نے لاہور ہائیکورٹ میں میڈیا سے گفتگو کرتے ہوئے کہا کہ جناح ہاؤس اور دیگر حساس اداروں پر حملے کی مذمت کرتا ہوں، اس میں جو بھی ملوث ہیں اس کی پوری تحقیقات ہونی چاہیئں۔
بیرسٹرعلی ظفر کا کہنا تھا کہ اگرکوئی سویلین، آرمی تنصیبات پر حملہ کرے گا تو آرمی ایکٹ کے تحت کارروائی ہوسکتی ہے، جن لوگوں نے آرمی تنصیبات پر حملہ کیا انکو آرمی ایکٹ کے تحت پکڑا جا سکتا ہے۔
انھوں نے کہا کہ کورکمانڈر ہاؤس پر حملہ کرنے والوں کو بالکل پکڑیں،ہر ایک کافیئرٹرائل دیں، جی ایچ کیو اور جناح ہاؤس پر حملہ کرنا قابل مذمت ہے۔
خیال رہے نو مئی کو جلاو گھیراو اور ہنگامہ آرائی میں ملوث عناصر کی گرفتاریوں کا سلسلہ بھی جاری ہے، چیئرمین پی ٹی آئی عمران خان کا کہنا ہے کہ لوگوں کی جانے سے پارٹی ختم نہیں ہوگی پارٹی ٹکٹ پھر بھی جیتے گ۔
