چیئرمین پی ٹی آئی بیرسٹر گوہر کا کہنا ہے کہ ہمارا اسٹیبلشمنٹ سے کوئی جھگڑا نہیں ہے۔
اے آر وائی نیوز کے مطابق چیئرمین پی ٹی آئی بیرسٹر گوہر کا کہنا ہے کہ ملک بھی ہمارا ہے فوج بھی ہماری ہے، اسٹیک ہولڈرز شفاف انتخابات کا انعقاد یقینی بنائیں۔
انہوں نے کہا کہ ایک سال سے دو صوبوں میں غیرآئینی طور پر نگراں حکومتیں بیٹھی ہیں۔
ہمارا کسی سے کوئی جھگڑا نہیں، ہم اپنے حقوق کی جنگ لڑ رہے ہیں، بیرسٹر گوہر!#ARYNews pic.twitter.com/fSb5gR68HC
— ARY NEWS (@ARYNEWSOFFICIAL) January 1, 2024
بیرسٹر گوہر کا کہنا ہے کہ لیول پلیئنگ فیلڈ پی ٹی آئی کا حق ہے، سپریم کورٹ بغیر کسی درخواست کے ازخود نوٹس لے، سیاسی جماعت کو انتخابات سے باہر رکھ کر ملک کا نقصان ہوگا۔
ان کا کہنا تھا کہ ہم معاملات پر سپریم کورٹ میں بھی درخواست دائر کریں گے تاحیات نااہل کیے جانے والے کو تاحیات وزیراعظم بنانےکی کوشش ہورہی ہے۔
بیرسٹر گوہر کا کہنا تھا کہ بانی پی ٹی آئی سے ٹکٹوں کےمعاملے پر منگل یا بدھ کو مشاورت ہوگی امیدواروں کے تحفظات پر الیکشن کمیشن نے کوئی ایکشن نہیں لیا ہمیں امید ہے کہ الیکشن ٹریبونل سے انصاف مل جائےگا۔
