مشیرِ اطلاعات خیبر پختون خوا بیرسٹر محمد علی سیف نے کہا ہے کہ ڈی چوک احتجاج کے بعد بانی پی ٹی آئی عمران خان کی رہائی کی تحریک مزید مضبوط ہو گئی۔
تفصیلات کے مطابق مشیرِ اطلاعات خیبر پختونخوا بیرسٹر محمد علی سیف نے بیان میں انہوں نے کہا کہ حکومت سمجھتی ہے بربریت سے تحریک کمزور ہو گئی تو یہ ان کی بھول ہے۔
انہوں نے کہا کہ علی امین گنڈاپور کی سربراہی میں بانی پی ٹی آئی رہائی کی تحریک مزید زور پکڑےگی، وزیراعلیٰ کے پی کی قیادت پر سب کو پورا اعتماد ہے۔
- Advertisement -
بیرسٹر سیف نے مزید کہا کہ بربریت کرکے حکومت نے اپنے پاؤں پر خود کلہاڑی ماری ہے، ظلم ہمیشہ خوفزدہ لوگ کرتے ہیں، معصوم کارکنوں کا خون جعلی حکومت کو اپنے منطقی انجام تک پہنچائے گا۔
