The news is by your side.

Advertisement

بے بنیاد الزامات پہلے بھی لگے،گھبرانے کی ضرورت نہیں،ہمارا دامن صاف ہے، عثمان بزدار

لاہور: وزیراعلیٰ پنجاب سردار عثمان بزدار کا کہنا ہے کہ ہمارا دامن صاف ہے،وزیراعظم کے ایجنڈے کو آگے لے کر چلیں گے۔

تفصیلات کے مطابق صوبائی کابینہ کے اجلاس میں وزیراعلیٰ پنجاب عثمان بزدار کی قیادت پر بھرپور اظہار اعتماد کی قرارداد اتفاق رائے سے منظور کر لی گئی۔کابینہ اجلاس میں قرارداد وزیر قانون پنجاب راجہ بشارت نے پیش کی۔

صوبائی کابینہ کے ارکان نے کہا کہ حقیقی ترقی کا سفر وزیراعلیٰ عثمان بزدار کی قیادت میں جاری رہے گا،ترقی کے سفر میں کسی قسم کی رکاوٹ آنے دی جائے گی۔

کابینہ اراکین کا کہنا تھا کہ پنجاب کو وزیراعلیٰ عثمان بزدار نے یکساں ترقی کے تحت خوشحالی کے سفر پر گامزن کیا،پسماندہ ،محروم علاقوں بالخصوص جنوبی پنجاب کے لیے خدمات قابل تحسین ہیں۔

وزیر قانون پنجاب کا کہنا تھا کہ وزیراعلیٰ عثمان بزدار سمیت کابینہ کے کسی ممبر پر کرپشن کا کوئی الزام نہیں،2 سال میں ایک بھی سکینڈل سامنے نہ آنا پنجاب حکومت کا کریڈٹ ہے،اسکینڈل نہ آنےکی بڑی وجہ وزیراعظم،وزیراعلیٰ پنجاب کی صاف قیادت ہے۔

اس موقع پر وزیراعلیٰ پنجاب کا کہنا تھا کہ بے بنیاد الزامات پہلے بھی لگے ،گھبرانے کی ضرورت نہیں،ہمارا دامن صاف ہے،وزیراعظم کے ایجنڈے کو آگے لے کر چلیں گے۔

Comments

یہ بھی پڑھیں