شام کے معزول صدر بشار الاسد کی اہلیہ اسماء الاسد خون کے کینسر (لیوکیمیا) میں مبتلا ہوگئیں۔
بین الاقوامی خبر رساں ادارے کی رپورٹ کے مطابق خون کے کینسر (لیوکیمیا) میں بچنے کے امکانات 50، 50 فیصد ہوتے ہیں۔
بوطانوی میڈیا کا اس حوالے سے کہنا ہے کہ برطانوی نژاد شام کی سابق خاتونِ اوّل کا علاج جاری ہے اور اسی دوران انفیکشن کے خطرے کو کم کرنے کے لیے انہوں نے خود کو الگ بھی کر لیا ہے۔
شام کے معزول صدر بشار الاسد کی اہلیہ اس سے قبل 2019ء میں چھاتی کے کینسر میں بھی مبتلا ہوگئی تھیں، انہوں نے علاج کے ایک سال بعد خود کو کینسر فری قرار دیا تھا۔
برطانوی میڈیا کا کہنا ہے کہ شام کے سابق صدر کی اہلیہ 1975ء میں لندن میں شامی والدین کے ہاں پیدا ہوئی تھیں، ان کے پاس برطانیہ اور شام کی دہری شہریت ہے۔
شام کے معزول صدر اور اسماء الاسد کی شادی دسمبر 2000ء میں ہوئی تھی اور ان کے 3 بچے حفیظ، زین اور کریم ہیں۔
شام میں بغاوت شروع ہونے کے بعد سے سابق خاتونِ اوّل نے مبینہ طور پر اپنے بچوں کے ساتھ لندن میں جلاوطنی اختیار کرنے کی کوشش کی تھی تاہم وہ اپنے مقصد میں کامیاب نہ ہوسکیں۔
برطانوی میڈیا نے انکشاف کیا ہے کہ معزول صدر کی اہلیہ نے طلاق کی درخواست بھی دائر کی ہے کیونکہ وہ خود کو روس میں مطمئن محسوس نہیں کر رہیں۔
واضح رہے کہ معزول شامی صدرکی اہلیہ اسماالاسد سے متعلق علیحدگی کی خبروں کو کریملن نے مسترد کر دیا ہے۔
کریملن نے ان اطلاعات کو یکسر مسترد کر دیا ہے جن میں کہا گیا تھا کہ شام کے معزول صدرکی برطانوی نژاد اہلیہ اسماء الاسد طلاق لینا اور روس چھوڑنا چاہتی ہیں۔
ایرانی وزیرخارجہ کا ’مسکراہٹ‘ کے ساتھ شامی حکومت کو جواب
اس حوالے سے روسی صدارتی دفتر کریملن کے ترجمان نے ترک میڈیا کی ایسی خبروں کی سختی سے تردید کی ہے جس کے مطابق اسماالاسد طلاق کے بعد برطانیہ منتقل ہونا چاہتی ہیں۔
