The news is by your side.

Advertisement

باسط علی اور فیصل اقبال کو سائیڈ لائن کردیا گیا

کراچی: قومی سلیکٹرز و ریجنل کوچز باسط علی اور فیصل اقبال کو خاموشی سے سائیڈ لائن کردیا گیا۔

اے آر وائی نیوز کے مطابق قومی قومی انڈر 19 کپ میں فیصل اقبال اور باسط علی کو منتخب نہیں کیا گیا جبکہ تمام ریجنز کی فرسٹ و سیکنڈ الیون کی ٹیموں کے ہیڈ کوچز کو اسلام آباد ایونٹ میں لگادیا گیا ہے۔

گزشتہ سیزن میں باسط علی اور فیصل اقبال نے پہلی بار فرسٹ الیون ٹیموں کی کوچنگ کی تھی اور انہیں سندھ اور بلوچستان کے ساتھ ایک اور سیزن میں مقرر کیا گیا تھا تاکہ وہ اپنی ٹیموں کو مزید مضبوط بنا سکیں۔

واضح رہے کہ گزشتہ روز پاکستان کرکٹ بورڈ (پی سی بی) نے اس سال اکتوبر میں تجویز کردہ پاکستان جونیئر لیگ کیلئے تیاریاں تیز کرتے ہوئے ندیم خان کو ٹورنامنٹ ڈائریکٹر مقرر کیا تھا۔

سابق ٹیسٹ کرکٹر ندیم خان پاکستان کرکٹ بورڈ میں ڈائریکٹر ہائی پرفارمنس بھی ہیں، پاکستان جونیئر لیگ کیلئے انہیں اضافی چارج دیا گیا ہے۔

پاکستان کرکٹ بورڈ انڈر 19 کرکٹرز کیلئے ’پاکستان جونیئرلیگ‘ اس سال اکتوبر میں شروع کرنے کا ارادہ رکھتا ہے۔

ایونٹ کی 6 فرنچائز ٹیموں کی فروخت کیلئے پاکستان کرکٹ بورڈ نے چند روز قبل اشتہار جاری کیا تھا جس کے جواب میں 30 اداروں نے ٹیمیں خریدنے کی خواہش ظاہر کی تھی۔

Comments

یہ بھی پڑھیں