سابق کرکٹر باسط علی نے دعویٰ کیا ہے کہ سرفراز احمد کو ہٹانے کے لیے عمر اکمل کو وکٹ کیپر بنایا گیا۔
اے آر وائی نیوز کے پروگرام گفتگو کرتے ہوئے سابق کرکٹر باسط علی نے کہا کہ سرفراز کو نہیں کھلانا تھا تو عمر اکمل کو کہا گیا کہ آپ وکٹ کیپنگ کرو۔
انہوں نے کہا کہ گیم چینجر عمر اکمل کو وکٹ کیپر بنا کر اس کی کارکردگی خراب کی گئی۔
باسط علی نے کہا کہ کھلاڑیوں پر ایسا پریشر ڈالا جاتا ہے جو لوگوں کو دکھائی نہیں دیتا۔
دوسری جانب کامران اکمل کا کہنا تھا کہ ہمارے متعلق کہا گیا تھا کہ 2 بھائیوں کو ایک ساتھ ٹیم میں نہیں ہونا چاہیے ہم بھائی کھیلے اور ٹیم میں پرفارم کرکے بھی دکھایا، ایک بھائی کو ٹیم سے نکالا اور دوسرے کو کہا زبردستی وکٹ کیپنگ کریں۔
کامران اکمل کا کہنا تھا کہ عمراکمل کو ٹیسٹ میچ میں زبردستی وکٹ کیپنگ کرنے کا کہا جاتا تھا عمراکمل نے وکٹ کیپنگ سے انکار کیا تو اسے بھی سائڈ لائن کیا گیا، عمراکمل سے انکار کے باوجود زبردستی وکٹ کیپنگ کرائی گئی۔
سابق ٹیسٹ کرکٹر نے کہا کہ سرفراز کو بھی ورلڈ کپ 2015 میں نہیں لے جانا چاہتے تھے سرفرازاحمد کو ورلڈکپ میں نہ لے جانے کے لیے ایشو بنایا گیا۔
