وینکوور: کینیڈا میں ایک ایسا باتھ روم بنایا گیا ہے جس میں رہنے کا ماہانہ کرایہ 88 ہزار روپے ہے۔
تفصیلات کے مطابق کینیڈا کے شہر وینکوور میں صاف ستھرا اور آسائشوں کے ساتھ ایک شان دار باتھ روم تعمیر کیا گیا ہے، اگرچہ یہ دنیا کا مہنگا ترین غسل خانہ نہیں ہے، تاہم 160 مربع فٹ والے اس باتھ روم میں رہنے کا ماہانہ کرایا 88 ہزار روپے پاکستانی ہے۔
جب اس باتھ روم کو کرائے پر دینے کے لیے مقامی اخبار میں اشتہار دیا گیا تو لوگ حیران رہ گئے، اور دیکھتے ہی دیکھتے یہ اشتہار سوشل میڈیا پر وائرل ہو گیا۔
اس باتھ روم میں ایک آرام دہ بستر بھی بنایا گیا ہے، جس کے بچلے حصے میں درازیں موجود ہیں، اور بستر سے کچھ فاصلے پر نہانے دھونے کی جگہ بھی موجود ہے، باتھ روم کا فرش سفید ماربل ٹائلوں سے مزین ہے، اور یہ بے حد صاف ستھرا اور شفاف ہے، یہ باتھ روم سادگی، خوب صورتی اور اچھوتے پن کا ایک مجموعہ ہے.
قدرتی روشنی کے لیے اس باتھ روم میں ایک کھڑی بھی بنائی گئی ہے، اور یہاں گھر کی ہر سہولت موجود ہے، تاہم باورچی خانے کے بارے میں نہیں بتایا گیا ہے، سہولتوں اور آسائشوں کے باوجود لوگوں کا کہنا ہے کہ کہ کیا یہ اس قابل ہے کہ اس کا اتنا زیادہ کرایہ دیا جائے۔
