شارجہ: پاک نیوزی لینڈ میچ کے بیٹنگ ہیرو آصف علی نے شاندار کارکردگی کی وجہ بتادی۔
تفصیلات کے مطابق پاکستان کرکٹ بورڈ کے آفیشل ٹوئٹر ہینڈل سے نیوزی لینڈ کے خلاف اہم ترین میچ کے ہیرو آصف علی کا ایک ویڈیو کلپ وائرل کیا گیا ہے۔
ویڈیو میں آصف علی نے نیوزی لینڈ کے خلاف اپنی کارکردگی سے متعلق اظہار خیال کرتے ہوئے بتایا کہ نیوزی لینڈ کے خلاف میچ سے قبل پریکٹس بھی شعیب بھائی کے ساتھ کی تھی، کل میدان میں بھی شعیب بھائی نے کہا کہ آج تمھارا دن ہے، سامنے کی جانب شارٹ کھیلنا اسی پر عمل کیا اور اللہ کے شکر سے کامیاب ہوا۔
یہ بھی پڑھیں: بابراعظم نے آصف علی کو نیا ’لقب‘ دیدیا
آصف علی کا کہنا تھا کہ پورا میچ دیکھ کر ایک حکمت عملی کے تحت میدان میں اترا کیونکہ بال نیچے آرہا تھا، جب شعیب بھائی نے حوصلہ دیا تو مجھے مزید اعتماد حاصل ہوا۔
جب بیٹنگ کے لئے میدان میں اترا تو دل میں یہی ٹھانی تھی کہ آج میچ جیت کر جائیں گے، کھیل کے دوران جب بال لگا تو بس ارادہ کرلیا کہ اب میچ جیت کر جاؤنگا موجودہ حالات میں انڈیا کے ساتھ ساتھ نیوزی لینڈ سے بھی جیتنا ہدف تھا، نیوزی لینڈ کے خلاف میچ جیتنے کی بہت خوشی ہے۔
Last night's star performer with the bat @AasifAli2018 reviews his innings and the guidance he received from @realshoaibmalik
#WeHaveWeWill #T20WorldCup pic.twitter.com/ya6UfFOAqd— Pakistan Cricket (@TheRealPCB) October 27, 2021
واضح رہے کہ گذشتہ روز نیوزی لینڈ کے خلاف اہم میچ میں آصف علی نے صرف 12 گیندوں پر 27 رنز بنا کر نہ صرف ٹیم کو دباؤ سے نکالا بلکہ وننگ اسٹروک کھیل کر جیت دلوائی۔
ان کی اننگز میں 3 شاندار چھکے اور ایک چوکا شامل تھا، آصف علی کے کیوی بولر ساؤتھی کو لگاتار دو چھکے میچ کا ٹرننگ پوائنٹ ثابت ہوئے۔
