The news is by your side.

Advertisement

بالاکوٹ میں بھارت کی فضائی کارروائی ناکام رہی، برطانوی نشریاتی ادارے کی رپورٹ

لندن : برطانوی نشریات ادارے کا کہنا ہے بالا کوٹ  میں بھارت کی فضائی کارروائی ناکام رہی، عالمی ایجنسیوں کی جاری سٹیلائٹ تصاویرمیں دیکھا جاسکتا ہے کہ ہدف کونشانہ نہیں بنایا جاسکا۔

تفصیلات کے مطابق بالا کوٹ واقعہ پر بھارت کی ناکامی کا عالمی میڈیا میں چرچا جاری ہے، برطانوی نشریاتی ادارے کی رپورٹ میں عالمی اداروں نے بھارت کی فضائی کارروائی کے اقدام کوناکام قراردے دیا۔

رپورٹ میں کہا گیا عالمی ایجنیسیوں کی سیٹلائٹ تصاویر میں ظاہر ہے ایئر اسٹرائیک نشانے پر نہیں اور پاکستان کی 24 گھنٹے کے اندر جوابی کارروائی نے بھارت کے اقدام پر سوال اٹھا دئیے ہیں۔

برطانوی نشریاتی ادارے کی رپورٹ کے مطابق پاکستان نے بھارت کا مگ 21گرایا اور پائلٹ کوگرفتار کیا، جسے بعد میں رہاکیاگیا، دفاعی ماہرین مگ 21 طیاروں کو بھارتی آسمان کا تابوت کہتےہیں، سیکورٹی اعتبار سے بھارت کا اقدام بحث طلب ہے۔

مزید پڑھیں: بالاکوٹ حملہ ،برطانوی نیوزا یجنسی نے بھارتی دعویٰ جھوٹ قرار دے دیا

رپورٹ میں کہا گیا بھارت سے جنگ ہوئی تو پاکستان اپنی پوری طاقت لگادے گا، بھارت میں ہونے والے الیکشن کے تناظرمیں فضائی کارروائی کا فیصلہ مودی حکومت کے حق میں گیا۔

یاد رہے چند روز قبل غیرملکی خبر رساں ادارے کی رپورٹ میں کہا گیا تھا بالا کوٹ کی سیٹلائٹ تصاویر سے معلوم ہوتا ہے کسی عمارت کو نشانہ ہی نہیں بنایا گیا، چار مارچ کی تصاویر میں بالاکوٹ میں کسی بھی عمارت کی تباہی کے کوئی آثار نظر نہیں اور نہ ہی کسی چھت یا کسی دیوار کو نقصان پہنچا ۔

تاہم بعد ازاں  برطانوی خبر رساں ادارے نے بھارتی وزیر کے دعوے کی تحقیق کی تو اُس میں یہ بات سامنے آئی کہ  شندلیہ گریراج سنگھ نے سماجی رابطے کی ویب سائٹ پر جو تصاویر شیئر کیں اور جس مقام کو مدرسہ قرار دیاتھا  وہ حقیقت میں جبہ میں ممکنہ لڑکیوں کا برسوں پرانے اسکول کی ہے۔

مزید پڑھیں : بالا کوٹ اسکرپٹ: بھارتی وزیر نے لڑکیوں کے اسکول کو مدرسہ بنا دیا

واضح رہے 27 فروری کو پاکستان نے فضائی حدود کی خلاف ورزی پر بھارت کےدو طیارے مارگرائے تھے اور پائلٹ ابھی نندن کوگرفتارکرلیا تھا، جس کے بعد بھارت نے بھی طیاروں کی تباہی اور پائلٹ لاپتہ ہونے کا اعتراف کیا تھا، ڈی جی آئی ایس پی آر نے بتایا تھا بھارتی طیارے پاکستانی حدود میں نشانہ بنائے، ایک طیارہ آزاد کشمیر دوسرا مقبوضہ کشمیر کی حدود میں گرایا۔

اس سے قبل 26 اور 25  فروری کی درمیانی شب بھارتی طیاروں نے پاکستانی حدود کی خلاف ورزی کی تھی اور وہ جہاز کا ایونیشن گرا کر فرار ہوگئے تھے۔

جس کے بعد بھارت کی حکمراں جماعت، فوجی ترجمان اور چیلنز نے بالا کوٹ حملے کو کامیاب قرار دیتے ہوئے دعویٰ کیا تھا کہ فضائیہ کی کارروائی میں 300 سے 350 سے افراد مارے گئے۔جبکہ حقیقت میں فیول ٹینک کے دھماکے سے درخت تباہ ہوئے تھے۔

Comments

comments

یہ بھی پڑھیں