سوشل میڈیا پر جانوروں کی دلچسپ ویڈیو اکثر وائرل ہوتی رہتی ہیں جسے دیکھ کر صارفین دنگ رہ جاتے ہیں۔
ایسی ہی ایک ویڈیو بھارتی ریاست چھتیس گڑھ سے وائرل ہورہی ہے جس میں ایک ریچھ اپنے دو بچوں کو پشت پر لیے شادی کے اسٹیج پر پہنچ گئی جسے دیکھ کر وہاں موجود لوگ خوفزدہ ہوگئے۔
ویڈیو میں دیکھا جاسکتا ہے کہ مادہ ریچھ اپنی پشت پر سوار بچوں کے ساتھ اسٹیج کی طرف چل رہی ہے جہاں دلہا اور دلہن کے لیے کرسیاں رکھی گئی تھیں۔
وہ ایک لمحے کے لیے رکتی ہے اور ادھر ادھر دیکھنے کے بعد شادی کے اسٹیج کو سونگھتی ہے۔
In a wedding reception in Kanker 3 uninvited guests also reached, fortunately bride, groom and the guests left earlier the video was shot by one of the employees of the marriage garden pic.twitter.com/RLg9EZsSqI
— Anurag Dwary (@Anurag_Dwary) February 18, 2022
ریچھ نے کسی کو بھی نقصان نہیں پہنچایا کیونکہ شادی کی تقریب پہلے ہی ختم ہوچکی تھی اور یرچھ کے اندر آنے کے وقت مہمان موجود نہیں تھے۔
ویڈیو کے عقب میں کچھ لوگوں کو یہ کہتے سنا جاسکتا ہے کہ کہیں یہ اسٹیج پر توڑ پھوڑ تو نہیں کرے گی۔
ٹویٹر پر بھارتی محکمہ جنگلات کے افسر پروین کاسوان نے لکھا کہ ’وہ انتظامات سے خوش نہیں ہے۔‘
