The news is by your side.

Advertisement

تماشے کے دوران ریچھ بھاگ نکلا، تماشائیوں کی دوڑیں لگ گئیں

تالیاں پیٹتے، سیٹیاں بجاتے اور "واہ واہ” کرتے تماشائیوں کی دوڑیں اس وقت لگ گئیں جب ایک ریچھ تماشے کے دوران مالک کی گرفت سے بھاگ نکلا۔

یہ واقعہ صوبہ پنجاب کے شہر رحیم یار خان میں پیش آیا جہاں ایک ریچھ تماشے کے دوران غصے میں آگیا۔ ریچھ مالک سے رسی چھڑوا کر بھاگ گیا جس پر تماشے کے لیے جمع لوگوں کی دوڑیں لگ گئیں۔

خوشی قسمتی سے ریچھ نے کسی کو  نقصان نہیں پہنچایا۔ غصے سے بھرا ریچھ کھیتوں اور گھروں میں داخل ہوتا رہا جس سے علاقے میں ہلچل مچ گئی۔

ریچھ کے بھاگنے کی اطلاع ملنے پر پولیس اور محکمہ وائلڈ لائف نے کارروائی کی۔ کئی گھنٹے کے آپریشن کے بعد مقامی لوگوں کی مدد سے ریچھ کو قابو میں کرلیا گیا۔

محکمہ وائلڈ لائف نے جانور پر تشدد اور تماشا کروانے پر مالک کے خلاف مقدمہ درج کرلیا۔

Comments

یہ بھی پڑھیں