فیصل آباد: پنجاب کے شہر فیصل آباد میں ایک بیوٹی پارلر کے اندر خواتین حملہ آوروں نے بیوٹیشن کو شدید تشدد کا نشانہ بنایا، واقعے کی سی سی ٹی وی فوٹیج سامنے آ گئی ہے۔
تفصیلات کے مطابق فیصل آباد کے علاقے بٹالہ کالونی میں 2 خواتین سمیت 3 افراد نے بیوٹی پارلر پر حملہ کیا، حملہ آوروں نے بیوٹی پارلر میں خاتون بیوٹیشن پر تشدد کیا۔
ویڈیو میں خاتون پر تشدد ہوتے دیکھا جا سکتا ہے، بھاری بھرکم خاتون نے بیوٹیشن کو پکڑ کر صوفے پر گرایا اور اس کے اوپر بیٹھ کر مکے مارنے لگی، حملہ آور خواتین نے متاثرہ بیوٹیشن سے سونے کا لاکٹ بھی چھینا اور فرار ہو گئیں۔
- Advertisement -
تشدد کی شکار ہونے والی بیوٹیشن شبانہ نے تھانہ بٹالہ کالونی میں حملہ آوروں کے خلاف درخواست دے دی ہے، جس میں انھوں نے کہا کہ ثوبیہ اور آمنہ نے اپنے ایک ساتھی کے ساتھ مل کر ان پر حملہ کیا۔
