کراچی : عید قرباں کی آمد آمد ہے اور کراچی کی بکرا منڈی میں لوگوں کی آمد و رفت میں روز بروز اضافہ دیکھنے میں آرہا ہے، لوگوں کے منڈی آنے ایک وجہ انوکھی اور منفرد گائے بھی ہے جس کی قیمت سن کر لوگ چونک جاتے ہیں۔
ویسے تو اس مویشی منڈی میں ہر سال نایاب، خوبصورت اور بھاری بھرکم جانور لائے جاتے ہیں جنہیں دیکھنے اور خریدنے والوں کا رش لگا رہتا ہے لیکن اس مرتبہ جس جانور کو دیکھنے کے لیے لوگوں کا رش لگا ہے نہ تو وہ بہت بڑا ہے اور نہ ہی تگڑا۔
مویشی منڈی میں ایک چھوٹی سی منی سی لیکن بہت ہی بڑی قیمت والی پستہ قد گائے بھی موجود ہے جسے دیکھ کر اور اس کی قیمت سن کر لوگ خوشگوارحیرت کا مظاہرہ کررہے ہیں۔
گائے کے مالک کا کہنا ہے کہ اس کا نام بھولی ہے اور میری اس منفرد گائے کی قیمت 1 کروڑ روپے ہے اور میرا چیلنج ہے کہ پوری منڈی میں اس جیسا جانور نہیں ملے گا، یہ جانور خدا کا تحفہ ہے۔
گائے کے مالک کا کہنا تھا کہ کا یہ بھی کہنا ہے کہ اس گائے کے 28 لاکھ اور 35 لاکھ روپے لگ چکے ہیں لیکن اب جس کے نصیب میں ہوگی وہی لے کر جائے گا۔
