قدرت نے دنیا میں طرح طرح کی نسل و اقسام کے خوبصورت و انوکھے پرندے پیدا کیے ہیں جو اس دنیا کی خوب صورتی میں اضافہ اور دیکھنے والوں کو تعریف کرنے پر مجبور کردیتے ہیں۔
دنیا کا سب سے بڑا اڑنے والا خوبصورت پرندہ مور کہلاتا ہے، جس کے خوبصورت اور دیدہ زیب پر قدرت کی شاہکار تخیلیقات میں سے ایک ہیں، جب وہ اڑتا ہے یا اپنے پر پھیلاتا ہے تو دیکھنے والے اسے دیکھتے ہی رہ جاتے ہیں۔
دنیا بھر میں مور کو کہیں دولت کی نشانی تو کہیں ایک مغرور پرندہ تصور کیا گیا ہے اس کے بارے میں کئی قصے کہانیاں اور محاورے ہمیں اکثر سننے کو ملتے ہیں جیسے جنگل میں مور ناچا کس نے دیکھا، مور کے آنسو وغیرہ وغیرہ۔
View this post on Instagram
اسی طرح کی ایک ویڈیو سوشل میڈیا پر وائرل ہورہی ہے کہ جس میں ایک بے انتہا خوبصورت مور فلیٹ کی ایک بالکونی سے اڑ کر دوسری بالکونی تک جاتا ہے۔
بھارتی دارالحکومت نئی دہلی کے ایک رہائشی علاقے میں بنائی گئی اس مور کی ویڈیو نے سوشل میڈیا صارفین کو اپنے سحر میں مبتلا کردیا۔
انسٹا گرام پر پوسٹ کی جانے والی ویڈیو پوسٹ میں صارف کا کہنا ہے کہ اگرچہ نئی دہلی یا اس کےآس پاس کے علاقوں میں موروں کو دیکھنا ایک نایاب نظارہ ہے لیکن اسے اڑتے ہوئے دیکھنا اور بھی دلفریب منظر ہے۔
ویڈیو دیکھنے والے صارفین نے اسے بے حد پسند کیا اور اس خوبصورت منظر کو ناقابل یقین قرار دیا، مذکورہ ویڈیو4.8 ملین سے زیادہ ویوز525ہزارلائیکس کے ساتھ وائرل ہوچکی ہے۔