بالوں کو چمکدار، لمبے، گھنے اور مضبوط بنانے کے لئے بازار میں متعدد اقسام کے مہنگے شیمپو اور ہیئر کنڈیشنرز دستیاب ہیں جن میں مختلف اقسام کے کیمیکلز شامل ہوتے ہیں۔
ان کے بجائے بالوں کی صحت کے لئے ہم گھریلو ٹوٹکوں کے ذریعے شیمپو سے کہیں زیادہ فوائد حاصل کر سکتے ہیں۔
یہاں ہم آپ کو بالوں کو چمکدار اور صحت مند بنانے کے حوالے سے چند ایسے گھریلو ٹوٹکوں کے بارے میں بتائیں گے جن کے استعمال سے آپ کو فوری اور بہترین نتائج حاصل ہو سکتے ہیں۔
بالوں کی خوبصورتی اور چمک کیلئے لوگ خاص طور پر خواتین نت نئے شیمپو اور ہیئر کنڈیشنرز استعمال کرتی ہیں لیکن اس کے باوجود بالوں کا قدرتی حسن واپس نہیں آتا۔
بالوں کی خوبصورتی اور چمک کیلئے خواتین نت نئے شیمپو اور ہیئر کنڈیشنرز استعمال کرتی ہیں لیکن اس کے باوجود بالوں کا قدرتی حسن واپس نہیں آتا۔
کچھ ایسے گھریلو نسخے بھی ہیں جو نہ صرف خشکی کو ختم کردیتے ہیں بلکہ بالوں کی قدرتی چمک، ریشمی پن اور کشش کو دوبارہ بحال کردیتے ہیں۔
مندرجہ ذیل سطور میں چند گھریلو نسخوں کے بارے میں بتایا جارہا ہے جنہیں استعمال کرکے خواتین مطلوبہ نتائج حاصل کرسکتی ہیں۔
ناریل کا دودھ :
بہت سے لوگ بالخصوص خواتین بالوں کو دلکش بنانے اور خشکی کو ختم کرنے کے لئے موئسچرائزنگ کریموں کا استعمال کرتی ہیں جس سے بال سخت اور بھربھرے ہوجاتے ہیں۔ تاہم، کچھ شیمپو اور کنڈیشنر بالوں کی خشکی ختم کرسکتے ہیں لیکن اس کے کچھ نقصانات بھی ہیں۔ گھر پرہی کنڈیشنر بنانے کے لئے ناریل کا دودھ چوتھائی ٹن لیں اور بالوں پرلگالیں لیکن جڑوں تک دودھ نہ جائے جب کہ بالوں کو چند منٹ تک اسی طرح رہنے دیں اور کسی اچھے شیمپو سے نہا لیں۔
سرکہ، زیتون اور دہی :
ماہرین کا کہنا ہے کہ سرکا بالوں کے لئے قدرتی کلیزنر کا کام کرتا ہے جسے مہینے میں ایک بار استعمال کیا جائے۔ شہر کے نمکین پانی کی وجہ سے بالوں میں سختی اور خشکی پیدا ہوجاتی ہے جس کے لئے زیتون کے تیل کا ایک چمچہ لے کر اسے دہی کے 2 چمچوں کے ساتھ ملا کر استعمال کریں۔ اس نسخے سے بالوں کا پی ایچ متوازن ہوگا اور بالوں کی قدرتی چمک واپس آجائے گی۔
سیب اور لیموں :
بالوں کی خشکی کو ختم کرنے اور چمک کے لئے لیموں اور سیب کا جوس انہتائی مفید ہے جس کے لئے ایک چمچہ سیب کا جوس لے کر اس میں 2 چمچے لیموں کا رس ملا لیں اور شیمپو سے بال دھونے کے بعد اسے لگالیں اور ایک منٹ بعد سر دھو لیں۔ ماہرین کے مطابق سیب کے جوس کی تیزابیت بالوں کی بیرونی سطح کو لچکدار اور چمکدار بناتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
