The news is by your side.

Advertisement

بستر کا رنگ کھٹملوں کو متوجہ کرنے کا سبب

کیا آپ جانتے ہیں آپ کے بستر کا رنگ کھٹملوں اور کیڑے مکوڑوں کو متوجہ کرنے کا سبب بن سکتا ہے؟

حال ہی میں حشریات (کیڑے مکوڑوں) سے متعلق ایک معلوماتی جرنل میں شائع ہونے والی تحقیق سے پتہ چلا کہ بستر کی چادروں کے کچھ مخصوص رنگ کیڑے مکوڑوں کو اپنی طرف راغب کر سکتے ہیں۔

گہرے رنگ جیسے سیاہ، سرخ، سبز کھٹملوں اور دیگر کیڑوں کو اپنی طرف کھینچتے ہیں۔ یہ رنگ اندھیرے کا تاثر پیدا کرتے ہیں جس میں کھٹملوں کا چھپنا آسان ہوتا ہے۔ لہٰذا یہ رنگ بستر میں کھٹملوں کی افزائش کے لیے موزوں ترین ہیں۔

اس کے برعکس ہلکے رنگ جسیے سفید، زرد وغیرہ میں آسانی سے کھٹملوں کو دیکھا جاسکتا ہے۔ ایسے رنگوں میں کھٹمل اور دیگر کیڑے بھی چھپنے سے گریز کرتے ہیں۔

ماہرین کا کہنا ہے کہ بستر میں چھپے کیڑے مکوڑے مختلف جلدی بیماریوں اور الرجی کا سبب بن سکتے ہیں لہٰذا بستر کی صفائی ضروری ہے۔

bed-1

کھٹملوں اور دیگر کیڑوں سے بچنے کے لیے ان تجاویز پر عمل کیا جاسکتا ہے۔

ہلکے رنگوں میں کھٹملوں کو دیکھنا آسان ہوتا ہے لہٰذا اپنے بستر پر ہلکے رنگ کی چادر بچھائیں۔

بیڈ پر پڑنے والی خراشوں اور سوراخوں کی صفائی کرتے رہیں اور ان میں کیڑے مار ادویات کا چھڑکاؤ کریں۔

بستر پر کم سے کم سامان، تکیے وغیرہ رکھیں تاکہ کیڑوں کو چھپنے کے لیے جگہ نہ ملے۔

باہر سے کوئی چیز لا کر بستر پر رکھنے سے گریز کریں۔ چھت سے اتارے ہوئے کپڑے، شاپنگ بیگز یا بستر پر کھانے پینے سے مٹی یا غذا کے ذرات بستر میں رہ جاتے ہیں جو کیڑوں کی افزائش کا سبب بن سکتے ہیں۔

Print Friendly, PDF & Email

Comments

comments

یہ بھی پڑھیں