واشنگٹن : امریکہ کے ہوائی اڈے پر شہد کی مکھیوں نے مسافروں اور عملے کو مشکل میں ڈال دیا، صورتحال کے پیش نظر پرواز چار گھنٹے تک تاخیر کا شکار رہی۔
تفصیلات کے مطابق آسٹن سے اٹلانٹا جانے والی پرواز کے مسافروں کو یہ صورتحال اس وقت پیش آئی جب شہد کی مکھیوں کے ایک جھنڈ نے طیارے کے ونگ پر حملہ کردیا اور مسافروں کو سوار ہونے سے روک دیا،
صورتحال کے پیش نظر پرواز چار گھنٹے تک تاخیر کا شکار رہی، مذکورہ پرواز کو ٹیکساس کے دارالحکومت آسٹن سے تقریباً ساڑھے بارہ بجے روانہ ہونا تھا جو شام ساڑھے چار بجے تک ٹیک آف نہیں کرسکی تھی۔
The rumor is that Delta does not have another plane available for us to take. Really hoping the captain’s plan will work. I don’t think they teach this sort of thing in flight school.
— Anjali Enjeti (she/her) (@AnjaliEnjeti) May 3, 2023
اس دوران ایک ٹویٹر صارف نے بتایا کہ مکھیوں کی وجہ سے مسافروں کو کن مشکلات کا سامنا کرنا پڑرہا ہے۔ ٹوئٹر پیغام میں صارف نے بتایا کہ پرواز میں تاخیر ہوگئی ہے کیونکہ شہد کی مکھیاں جہاز کی ونگ پر جمع ہو گئی تھی۔
اس حوالے سے فلائٹ کے کپتان نے مسافروں کو درپیش مشکل پر ان سے معافی مانگی اور بتایا کہ انہیں ونگ سے شہد کی مکھیوں کو صاف کرنے کے لیے بہت سے مسائل کا سامنا کرنا پڑا۔