The news is by your side.

Advertisement

ایک ماہ تک کوما میں‌ رہنے کے بعد بیگم کلثوم نواز نے آنکھیں کھول دیں

لندن: ایک ماہ تک کومے میں رہنے کے بعد میاں نواز شریف کی زوجہ بیگم کلثوم نواز ہوش میں‌ آگئیں.

تفصیلات کے مطابق لندن میں زیر علاج بیگم کلثوم نواز نے آنکھیں‌ کھول دیں، ان کے بیٹے نے اس امر کی تصدیق کی ہے.

میاں نواز شریف کے بیٹے حسین نواز نے میڈیا سے گفتگو کرتے ہوئے کہا کہ بیگم کلثوم نوازنے ایک ماہ بعد آج آنکھیں کھولی ہیں.

یاد رہے کہ بیگم کلثوم نواز کی ناساز طبیعت کی وجہ سے میاں نواز شریف نے جون کے وسط میں پاکستان واپسی کا فیصلہ موخر کر دیا تھا۔

جب ایون فیلڈ فیصلہ محفوظ کیا گیا، تب بھی میاں نواز شریف نے استدعا کی تھی کہ ان کی طبیعت کی خرابی کے باعث فیصلہ کچھ روز کے لیے موخر کیا جائے۔

البتہ احتساب عدالت نے مقررہ تاریخ پر فیصلہ سنا دیا، جس میں میاں نواز شریف کو گیارہ سال، مریم نواز کو آٹھ سال اور کیپٹن (ر) صفدر کو ایک سال کی سزا اور بھاری جرمانے ہوئے۔

واضح رہے کہ ایون فیلڈ ریفرنس میں سزا پانے والے میاں نواز شریف اور مریم نواز جمعے کو پاکستان لوٹ رہے ہیں۔

اس موقع پر سیکیورٹی کے سخت انتظامات کیے گئے ہیں۔ انھیں ہیلی کاپٹر کے ذریعے براہ راست اڈیالہ پہنچایا جائے گا۔


کلثوم نوازکی طبیعت نہ سنبھل سکی، نواز شریف اور مریم نواز نے واپسی کا فیصلہ مؤخر کردیا


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں