اسلام آباد: بحرین کی حکومت نے وزیراعظم عمران خان کو اعلیٰ ترین سول ایوارڈ ’شاہ حماد آرڈر آف رنیانس‘ دینے کا اعلان کردیا۔
وزیر اعظم عمران خان کے معاونِ خصوصی برائے سمندر پار پاکستانی زلفی بخاری نے عرب میڈیا سے گفتگو کرتے ہوئے تصدیق کی کہ بحرین کی حکومت نے عمران خان کو اعلیٰ سول ایوارڈ دینے کا فیصلہ کیا ہے۔
اُن کا کہنا تھا کہ وزیر اعظم عمران خان رواں ماہ بحرین کے سرکاری دورے پرجائیں گے جہاں انہیں اعلیٰ سول ایوارڈ دینے کی تقریب کا انعقاد کیا جائے گا۔ معاونِ خصوصی کا کہنا تھا کہ عمران خان کو اعلی ترین سول ایوارڈ ’شاہ حماد آرڈر آف رنیانس‘ دیا جائے گا۔
زلفی بخاری کا کہنا تھا کہ ’وزیراعظم عمران خان دورے کے دوران خلیفہ بن سلمان اور شاہ حماد بن عیسیٰ آل خلیفہ سےملاقات کریں گے جبکہ وہ قومی دن کی تقریبات میں بھی شرکت کریں گے۔
Leaving Doha, a wonderful prosperous trip! I want to thank HE Yousuf Mohamed Al Othman Fakhroo for his warmth & hospitality. Thank you brother! for all the help you‘ve extended in bringing our two countries even closer benefiting people of 🇵🇰 & 🇶🇦, long live the brotherhood! pic.twitter.com/6Ovz6s494H
— Sayed Z Bukhari (@sayedzbukhari) November 28, 2019
یاد رہے کہ وزیراعظم کے معاونِ خصوصی زلفی بخاری گزشتہ ماہ قطر کے دورے پر گئے تھے جہاں انہوں نے سرکاری حکام سے ملاقاتیں کیں اور مختلف امور پر تبادلۂ خیال کیا تھا۔
قطر سے پاکستان واپسی پر 28 نومبر کے روز زلفی بخاری نے ایک ٹویٹ بتایا تھا کہ ’اب میں دوحہ سے نکل رہا ہوں، یہ ایک اچھا اور شاندار دورہ تھا، جس کے لیے میں یوسف محمد ال اوتمان فخرو کا شکریہ ادا کرتا ہوں‘۔ انہوں نے دونوں ممالک کے تعلقات اور بھائی چارہ مزید مضبوط ہونے کے لیے بھی نیک خواہش کا اظہار کیا تھا۔
