مشہور ہسپانوی سیریز منی ہائسٹ کا گانا بیلا چاؤ سیریز کے آغاز سے ہی دنیا بھر میں مشہور ہوچکا ہے اور مختلف فنکاروں نے اس کے مختلف ورژنز بھی پیش کیے ہیں۔
حال ہی میں صوبہ بلوچستان کے ضلع ڈیرہ بگٹی سے تعلق رکھنے والے ایک فنکار خاوند بخش بگٹی نے بھی اس گانے کو اپنے انداز میں پیش کیا۔
انہوں نے اس گانے کو بلوچستان کے تاریخی ساز سروز پر بجایا ہے۔
انسانی کھوپڑی کا ہم شکل یہ ساز بلوچ خطے کا نہایت قدیم ساز ہے اور کہا جاتا ہے کہ ایک اور مشہور ساز سارندہ اسی سروز کی ایک اور شکل ہے۔
یاد رہے کہ ہسپانوی ٹی وی سے نشر کی جانے والی سیریز منی ہائسٹ بعد ازاں امریکی اسٹریمنگ سروس نیٹ فلکس پر نشر کی گئی جس کے بعد اس شو نے دنیا بھر میں بے مثال مقبولیت حاصل کی۔
5 سیزنز کے بعد یہ سیریز اپنے اختتام کو پہنچ چکی ہے اور اب اس کے دیگر کرداروں پر سیریز بنانے پر کام کیا جارہا ہے۔
