نیویارک: معروف آئس کریم برانڈ ’بین اینڈ جیریز‘ کے شریک بانی بین کوہن کو امریکی سینیٹ سے گرفتار کر لیا گیا۔

امریکی میڈیا رپورٹس کے مطابق بین الاقوامی شہرت یافتہ آئس کریم برانڈ ’بین اینڈ جیریز‘ کے شریک بانی اور سماجی کارکن بین کوہن نے امریکی سینیٹ میں غزہ میں مظالم کے خلاف شدید احتجاج کیا ہے، جس پر انھیں گرفتار کر لیا گیا۔

سینیٹ میں بین کوہن نے کہا تم لوگ غزہ کے بچوں کو قتل کر رہے ہو، کانگریس بچوں کو مارنے کے لیے بموں کی فنڈنگ کر رہی ہے، یہ کہنا تھا کہ انھیں گرفتار کر لیا گیا، اور ان کے ساتھ نعرے بازی کرنے والے دیگر 7 لوگوں کو بھی پکڑ لیا گیا۔

I told Congress they’re killing poor kids in Gaza by buying bombs, and they’re paying for it by kicking poor kids off Medicaid in the US. This was the authorities’ response. pic.twitter.com/uOf7xrzzWM

— Ben Cohen (@YoBenCohen) May 14, 2025

کیپیٹل پولیس بین کوہن کو سینیٹ سے ہتھکڑیاں لگا کر لے گئی، اس حالت میں بھی بین چیختے رہے کہ اسرائیل پر دباؤ ڈالیں تاکہ بھوک سے بلکتے بچوں تک خوراک پہنچائی جا سکے۔

رپورٹس کے مطابق کچھ دیر بعد تمام افراد کو رہا کر دیا گیا، بین نے کہا ہمارے پیسے اور ہمارے نام پر ہمارا ملک جو کچھ کر رہا ہے وہ ناقابل قبول ہے، ہزاروں افراد کے قتل عام میں شرکت اور خاموش حمایت امریکا کی اخلاقی شناخت کو مجروح کر رہی ہے۔