The news is by your side.

’بین اسٹوکس پریشر میں کھیلنے والے ایک چیمپئن کھلاڑی ہیں ‘

نیوزی لینڈ کے سابق کپتان اسٹیفن فلیمنگ نے اسٹوکس کی کارکردگی پر رد عمل دیتے ہوئے کہا کہ انگلینڈ ٹیسٹ کرکٹ کے کپتان بین اسٹوکس پریشر میں کھیلنے والے ایک چیمپئن کھلاڑی ہیں۔

نیوزی لینڈ کے سابق کپتان اسٹیفن فلیمنگ نے اسپورٹس ویب سائٹ کو بتایا کہ اسٹوکس کی شخصیت بڑی ہے اور وہ ایک بڑا فاتح ہے۔

سابق کپتان کا کہنا تھا کہ بین اسٹوکس ایک کیریئر بنا رہا ہے جہاں وہ ریٹائرمنٹ سے پہلے ٹیسٹ میچ جتنے کی کوشش کررہے ہیں، وہ ٹی ٹوئنٹی ورلڈکپ فائنل میں بھی ڈٹے رہے تھے جس کی وجہ سے ٹیم فاتح بنی۔

واضح رہے کہ ٹی ٹوئنٹی ورلڈکپ 2016 کے فائنل میں ویسٹ انڈیز کے خلاف آخری اوور میں چار چھکے کھا کر انگلینڈ کو ٹائٹل سے محروم کرنے والے آل راؤنڈ بین اسٹوکس کے کیریئر میں اس دن کے بعد سے نمایاں تبدیلی آئی ہے۔

بین اسٹوکس نے اپنی اسکلز کو مزید نکھارتے ہوئے انگلینڈ کو آئی سی سی مینز ورلڈکپ 2019 کا ٹائٹل جتوایا اور اب ٹی ٹوئنٹی ورلڈکپ 2022 کے فائنل میں بھی نصف سنچری اسکور کر کے انگلش ٹیم کی جیت میں اہم کردار ادا کیا۔

Comments

یہ بھی پڑھیں