انگلینڈ ٹیسٹ ٹیم کے کپتان بین اسٹوکس نے ورلڈکپ میں بھرپور کارکردگی دکھانے کے لئے ون ڈے کرکٹ سے ریٹائرمنٹ واپس لے لی۔
بین اسٹوکس کے ریٹائرمنٹ لینے کے بعد انگلینڈ کرکٹ بورڈ نے نیوزی لینڈ کے خلاف ون ڈے سیریز کے لیے 15 رکنی اسکواڈ کا اعلان کیا۔
انگلینڈ اور نیوزی لینڈ کے درمیان 4 ون ڈے میچز کی سیریز کا آغاز 8 ستمبر سے ہوگا، ون ڈے اسکواڈ میں بین اسٹوکس شامل ہیں جب کہ ٹیم کی کپتانی کے فرائض جوڑ بٹلر ادا کریں گے۔
واضح رہے کہ بین اسٹوکس نے گزشتہ سال ون ڈے کرکٹ سے ریٹائرمنٹ کا اعلان کیا تھا، اس موقع پر ان کا بیان سامنے آیا تھا کہ اب ان کا سارا فوکس ٹیسٹ اور ٹی ٹوئنٹی کرکٹ پر ہے۔
گزشتہ روز برطانوی میڈیا کا اس حوالے سے کہنا تھا کہ بین اسٹوکس نے کہا ہے کہ وہ اپنی ریٹائرمنٹ واپس لے سکتے ہیں، جبکہ ریٹائرمنٹ واپس لینے کی صورت میں آئی پی ایل نہیں کھیلیں گے۔
