The news is by your side.

Advertisement

راولپنڈی : بے نظیربھٹو قتل کیس کی سماعت آج پھرہوگی

راولپنڈی : بے نظیر بھٹو قتل کیس کی سماعت آج پھر راولپنڈی کی انسداد دہشت گردی کی عدالت میں ہوگی۔ ذرائع کے مطابق بے نظیر قتل کیس کے حوالے سے آج دوگواہان اپنا بیان قلم بند کروائیں گے۔

جبکہ امریکی صحافی مارک سیگل کے ویڈیو لنک کے ذریعے بیان ریکارڈ کرانے کی تیاری سے متعلق رپورٹ بھی عدالت میں پیش کی جائے گی۔

یاد رہے کہ اس قبل مارک سیگل نے گزشتہ سماعت پر بیان ریکارڈ کرانا تھا تاہم طعبیت خراب ہونے کے باعث انہوں نے معذرت کرلی تھی۔

ذرائع کا کہنا ہے کہ امریکی صحافی مارک سیگل یکم یا دوستمبر کو اپنا بیان ریکارڈ کرائیں گے۔

واضح رہے کہ سابق وزیر اعظم پاکستان بے محترمہ نظیر بھٹو کو 27 دسمبر سا ل 2007 میں جب وہ لیاقت باغ میں عوامی جلسے سے خطاب کرنے کے بعد اپنی گاڑی میں بیٹھ کر اسلام آباد جانے کیلئے لیاقت باغ کے مرکزی دروازے پر پارٹی کارکنوں کے ساتھ اظہار یکجہتی کے لئے گاڑی کی چھت سے باہر نکل رہی تھیں۔

اس دوران ایک نامعلوم شخص نے ان پر فائرنگ کر دی، اس کے بعد بینظیر کی گاڑی سے کچھ فاصلے پر ایک زوردار دھماکہ بھی ہوا جس میں ایک خودکش حملہ آور جس نے دھماکہ خیز مواد سے بھری ہوئی بیلٹ پہن رکھی تھی، خود کو دھماکے سے اڑا دیا۔ بعد ازاں وہ اسپتال جا کر اپنے خالق حقیقی سے جا ملیں۔

Comments

comments

یہ بھی پڑھیں