لہسن ہمارے گھروں میں روزانہ استعمال کیا جانے والا جز ہے جو اپنے اندر بے شمار فوائد رکھتا ہے، لیکن اس کے فوائد سے اکثر افراد ناواقف ہیں۔
جدید سائنس اور ہربل میڈیسن کے مطابق سنہ 1700 سے لہسن کو بطور دوا استعمال کیا جا رہا ہے، ماہرینِ صحت کا کہنا ہے کہ لہسن ایک قدرتی اینٹی بائیوٹک ہے، جو کئی بیماریوں سے محفوظ رکھتا ہے۔
لہسن کو مصالحہ جات کا سردار بھی کہا جاتا ہے، صحت کے حوالے سے ذائقے میں تیز اور سخت بو والے لہسن کے بے شمار فوائد سامنے آئے ہیں۔
لہسن کا نہار منہ استعمال ایسے تمام جراثیم کا خاتمہ کرتا ہے جو غذا کے ہاضمے میں رکاوٹ بنتے ہیں اور آنتوں کو ان جراثیم سے محفوظ رکھتا ہے۔
طاقتور قدرتی اینٹی بائیوٹک میں موجود عناصر کھانسی کے لیے مفید علاج ہے۔
لہسن کا باقاعدگی سے استعمال کئی بیماریوں بشمول کھانسی، بلڈ پریشر اور دل کے مسائل سے نجات دلانے میں اہم کردار ادا کرتا ہے۔
پیٹ کی چربی گھلانے اور وزن کم کرنے کے لیے نہار منہ لہسن کا استعمال تجویز کیا جاتا ہے جس کے بے شمار فوائد مجموعی صحت پر مرتب ہوتے ہیں۔
جن افراد کو ایکنی، کیل مہاسے اور وائٹ یا بلیک ہیڈز کی شکایت ہو نہار منہ لہسن کا استعمال ان افراد کے لیے بھی نہایت مفید ہے۔
لہسن کا نہار منہ استعمال بھوک کو بہتر بناتا ہے اور ہاضمے کے عمل کو مضبوط کرتا ہے۔
لہسن کا استعمال انسان کے اعصابی نظام کو تقویت دیتا ہے اور دباؤ کے احساس کو کم کرتا ہے۔
