ہمارے روز مرہ کھانوں میں استعمال ہونے والی پیاز جہاں یہ کھانوں کا لازمی جز ہے، کھانوں کا ذائقہ بڑھاتی ہے وہیں اس کے بےشمار طبی فوائد بھی ہیں۔
موسم بدلتے ہی ملک بھر میں وائرل بخار کی لہر پھیل گئی ہے، آج ہم آپ کو کچھ ایسے ٹوٹکے بیان کریں گے جو وائرل بخار سے بچاؤ سمیت کئی پریشانیوں کا حل ہیں۔
پیاز فاسفورس، منرلز اور وٹامنز سے بھر پور سبزی ہے اس میں وٹامن سی اور اینٹی آکسیڈنٹ کی بھی بھاری مقدار پائی جاتی ہے جس کے استعمال سے نہ صرف صحت بلکہ جلد اور بالوں پر بھی حیران کُن اثرات مرتب ہوتے ہیں۔
وائرل بخار سے بچاؤ کیسے؟
ہربلسٹ نادیہ فرحان نے بتایا کہ ایک پیاز لیں اور اسے کاٹ کر پیر کے تلوؤں میں رکھ کر کسی ڈوری سے باندھ لیں یا موزا پہن لیں، یہ عمل رات کو سونے سے پہلے کریں، جسم کے تمام جراثیم، وائرل، سردی وغیرہ پیاز اپنے اندر جذب کر لے گی اور سرد موسم آپ کو نقصان نہیں ہہنچا سکے گا۔
پیاز کی اینٹی بیکٹیریل خصوصیات
زکام اور بخار جیسے بہت سے موسمی مسائل بیکٹیریا کے حملے کی وجہ سے لاحق ہو سکتے ہیں۔ ان بیکٹیریا کے حملے سے بچنے کے لیے ایسی غذائیں استعمال کرنے کا مشورہ دیا جاتا ہے جو اینٹی بیکٹیریل خصوصیات کی حامل ہوتی ہیں۔
غذائی ماہرین کے مطابق پیاز میں اینٹی بیکٹیریل خصوصیات پائی جاتی ہیں جو موسمی بیماریوں سے بچاؤ میں مدد فراہم کرتی ہیں۔ اس کے علاوہ پیاز کے استعمال سے وائرل انفیکشن کے خطرات کو بھی کم کیا جا سکتا ہے
اس کے علاوہ گھر میں پرانے چمڑے کے بیگز رکھے ہوں تو انھیں پھینکنے کے بجائے انہیں ناریل کے تیل سے صاف کریں، لیدر چمک اٹھے گا اور آپ کا بیگ بالکل نیا ہوجائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
