The news is by your side.

Advertisement

مچھلی نے ماہی گیر کو ایک دن میں دولت مند بنا دیا، تصاویر وائرل

دیگھا : غریب ماہی گیر پر قدرت مہربان ہوئی تو وہ راتوں رات لکھ پتی بن گیا، دوران شکار انتہائی قیمتی مچھلی ماہی گیر کے جال میں پھنس گئی۔

مغربی بنگال کے علاقے دیگھا میں 55 کلو وزنی تیلیا بھولا نامی نایاب مچھلی 13 لاکھ روپے سے زیادہ میں فروخت ہوئی، مچھلی کو ایک غیرملکی کمپنی نے خریدا ہے۔

مغربی بنگال کے مشرقی مدنا پور میں اتوار کے روز ماہی گیروں نے 55 کلو وزنی تیلیا بھولا نامی نایاب مچھلی کو پکڑا ہے۔

fish

ایک ماہی گیر شیباجی کبیر اس مچھلی کو نیلامی کے لیے دیگھا کی مارکیٹ لائے تھے، تقریباً تین گھنٹے تک جاری رہنے والی نیلامی کے بعد یہ بڑی مچھلی 26 ہزار روپے فی کلو کے حساب سے 13 لاکھ روپے سے زائد میں فروخت ہوئی۔

تاجر نے بتایا کہ اس مچھلی کے جسم کے اعضاء جان بچانے والے کیپسول کور کی تیاری میں استعمال ہوتے ہیں اس لیے مذکورہ مچھلی کو ایک غیرملکی کمپنی نے اتنی بڑی رقم کے عوض خریدا ہے۔

fish

انہوں نے مزید بتایا کہ یہ ایک مادہ مچھلی تھی، اس سے چھ دن قبل ایک نر تیلیا بھولا مچھلی کو پکڑا گیا تھا جو9 لاکھ روپے میں فروخت ہوئی تھی۔

دیگھا فشرمین اینڈ فش ٹریڈرز ایسوسی ایشن کے ایک عہدیدار نے میڈیا کو بتایا کہ اس نسل کی مچھلی سال میں صرف دو سے تین بار ہی پکڑی جاتی ہے، اس لیے اس مچھلی کو پکڑنے والے ماہی گیروں کو ایک ہی بار بڑی رقم مل جاتی ہے۔

Comments

یہ بھی پڑھیں